Bundesliga match-ah Bayern Munich chuan VfL Wolfsburg an mikhual a, Munich hian 5-1 in hnehna an chang, Bayern Munich tan bench atanga rawn lut Robert Lewandowski chuan minute 9 chhungin goal 5 zu han thun hem a !
First half-ah si khat faiin Daniel Caligiuri goal hmangin mikhual Wolfsburg chuan hma an hruai, second half tan tirah Guardiola chuan Thiago Alcantara lachhuakin, Robert Lewandowski a luh tir.
Lewandowski goal 5 mawi tak tak video i en duh chuan : hetah Click mai rawh
Tichuan thil mak a thleng ta, minute 8 leh second 56 chhungin Robert Lewandowski chuan goal 5 teh meuh mai a khung hem mai le. Bundesliga-a hattrick rang ber Robert Lewandowski hian a siam nghal bawk a, 5-1 in Bayern Munich chuan hnehna an chang ta a ni.
Bayern Munich 5 - 1 Wolfsburg
(Robert Lewandowski 51', 52', 55', 57', 60') (Daniel Caligiuri 26')
MotM vs Wolfsburg : Lewandowski
Rating 10, Touches 27, Goals 5, Shots (OT) 9(7), Pass Accuracy 88%
46 mins : Guardiola chuan Thiago Alcantara la chhuakin Robert Lewandowski a dah lut a.
51 mins : Mual chhungah minute 6 pawh a awm tlin hmain hnai set sawt atangin Robert Lewandowski chuan Bayern Munich si phurh a rul. Bayern Munich 1-1 Wolfsburg
52 mins : Robert Lewandowski chuan goal hnihna a khung lehnghal, box pawn yard 25 atangin lei hrulah, goalkeeper ding lamah mawi takin a pet goal, Bayern Munich 2-1 Wolfsburg.
55 mins : Minute 3 leh second 22 chhungin Robert Lewandowski chuan hattrick a siam der mai. Mario Gotze pass tha zet chu Robert Lewandowski chuan a shot, goal ban a per, hemi per hi a pet lehnghal, goalkeeper Benagilo chuan tha takin a lo dang, a per leh chu a pet lehnghal, a goal ta nge nge, Bayern Munich 3-1 Wolfsburg.
57 mins : Mual veilam sir atanga Douglas Costa cross tha zet chu Robert Lewandowski chuan tha zetin box chhung atangin a volley goal. Bayern Munich 4-1 Wolfsburg.
60 mins : Hei zet chu a va mawi rem rem ve mawle, mual dinglam sir atangin Mario Gotze chuan ball tha takin a vawrh, Robert Lewandowski chuan vawi em emin a lo volley, duhthusam a ni. Penalty tel hauh lovin goal 5 a khung ta a ni. Bayern Munich 5-1 Wolfsburg
