Manchester United striker Javier Hernandez chuan German club Bayer Leverkusen chu £7.3m in a zawm fel ta.
Mexico international kum 27 a upa Hernandez hi Swansea laka an tlawm tum pawh khan bench ah a thu a, kum khat lai Premier League ah United tan match a start tawh lo a ni.
2010 a Chivas de Guadalajara club chhuahsana United a zawm atang khan vawi 156 United tan a inlan hmana, goal 59 a thun hman bawk. Season hmasa khan Real Madrid ah loanin a lo khel tawh bawk a nih kha.
Kum 31 a upa goalkeeper Anders Lindegaard pawhin United chhuahsanin West Brom a pan fel tawha, Borussia Dortmund lamah Januzaj pawh loanin a lut fel tawh bawk.
Tun season a United in league game li an khelh tawha game hnihah Januzaj hian a start hmana, August ni 14 a Villa an hmachhawn tum khan chakna goal a thun nghe nghe.
Denmark international Lindegaard hian 2011 a United a zawm atang khan United tan vawi 29 a khel ve hman bawk a ni.
(adsbygoogle = window.adsbygoogle || []).push({});