LeBron James chuan kum tin a taksa enkawl nan pawisa a hmang nasa thin hle a, an sawi dan chuan kum khatah hetiang atan hian $1 million vel chu hmang ziah ang a ni.

James hian ama pualin biomechanist Donnie Raimon a ruai a, 2015 atanga a hnung a sawisel pawh Donnie hian a enkawl dam a. Raimon bakah hian 2004 atang khan Mike Mancias pawh a chhawr tel bawk a. Mancias hi Cavaliers in an ruai a ni.

Donnie Raimon leh Mike Mancias inkarah hian duh zawk thlan thiam harsa a tih thu LeBron James chuan a sawi a, “Donnie leh Mike te hi lak hran emaw, sawi hran emaw theih an ni lo, ka tan chuan an tha dun em em ve ve a ni,” a ti.

LeBron hian mi chi hrang hrang a chhawr hnem hle a, a inah hian ei siam thiam bakah taksa zut thiam te, insawizawi thiam te an kat zut mai a. Akron-ah hian gym changtlung tak pawh a nei a, a hmang rim hle nghe nghe a ni.

“Kan taksa hi kan duatin kan uluk tur a ni a, NBA player tan ngat phei chuan a pawimawh lehzual a. Hetiang tak hian in uluk lo ila chuan tun dinhmun hi ka thleng thei teuh lo ang,” tiin LeBron James hian a sawi.