Europe khawmuala league hrang hrangte chu an hmawr bawk a lo ni ta a, league lian zual panga; Premier League (England) , La Liga (Spain) , Bundesliga (Germany) , Serie A (Italy) leh Ligue 1 (France) atanga Champions League leh Europa League khel turte pawh a hriat tawh.
Heng league lian pangaah te hian season hmasa zawka champion bawk te an champion leh veka, England-ah Manchester City, Spain-ah Barcelona, Germany-ah Bayern Munich, Italy-ah Juventus leh France-ah Paris Saint-Germain te chu an champion leh vek.
Premier League atang hian Manchester City, Liverpool, Chelsea leh Tottenham-te chuan season tharah Champions League an khel dawn a, Premier League hian season tharah team nga an thawh maithei. Europa League final-ah Arsenal leh Chelsea-te an inhmachhawn dawn a, Arsenal hi an chak chuan anni pawh hian season tharah Champions League an khel ang.
Europa League khel turin Arsenal, Manchester United leh Wolves-te an inpet tlinga, Arsenal hi Europa League-a an champion chuan pariatnaa awm Everton chuan Europa League hi an khel ve thung anga, Arsenal hian sawi lan tawh angin Champions League an khel ang.
La Liga-
La Liga hian Champions League-ah team li an thawh dawn a, Barcelona, Atletico Madrid, Real Madrid leh Valencia-te chuan season tharah Champions League an khel dawn. Europa League khel turin La Liga atang hian Getafe, Sevilla leh Espanyol-te an inpet tling bawk.
Bundesliga-
Bundesliga lam pawhin team li an thawh leh dawn a, Bayern Munich, Borussia Dortmund, RB Leipzig leh Bayer Leverkusen-te an ni. Bundesliga lam atanga Europa League khel turte chu Borussia Monchengladbach, Wolfsburg leh Eintracht Frankfurt-te an ni.
Serie A-
Serie A hian team li an thawh dawna, Juventus. Napoli, Atalanta leh Inter Milan -te chuan chuan season tharah Champions League an khel dawn a, SC Milan chuan Europa League khel dawnin, Roma chuan Europa League qualifiers an khel thung ang.
Ligue 1-
France atangin club pathumin Champions League an khel dawn a, PSG, Lille leh Lyon-te an ni. Europa League lamah Ligue 1 hian St Etienne an thawh dawn a ni.