11 Oct 2020 06:15

inkhel

Le Mans-ah Danilo Petrucci pakhatna a ni

Danilo Petrucci chu French MotoGP ah a che tha ber a, pakhatna niin Ducati rider zingah chuan Le Mans bika pakhatna ni thei hmasa ber a ni.

Ruah a sur avangin intlansiak tan hun pawh a tikhawtlai a, an intlansiak boruak pawh a tidanglam hle a. An tlan tan dawn chauh a, kawi hmasa berah Valentino Rossi chu a tlu nghal pang mai a, The Doctor chu chawl hmasa ber a ni nghal.

A tir atang hian Petrucci bakah Andrea Dovizioso leh Jack Miller te chu an tlan tha hle a. Valencia 2018 hnua kawng huh deuha an intlansiak leh hmasak ber tia sawi theihah hian hetiang dinhmuna la tlan ve ngai vak lo Fabio Quartararo leh Joan Mir te chu an ngampa harh lo niin a ngaih theih.

Tlema tawn hriat nei tha deuh an lang chho a, Petrucci, Dovizioso leh Miller te chu an che tha chho viau a. A hnuah Alex Rins a rawn inlan chho ve a. A hnuah erawh Suzuki Ecstar rider hi a chesual ve tlat mai a, a tawp thleng a tlan thei ta lo a ni.

Repsol Honda rider Alex Marquez chuan pakhatna nih tum viau mah se Danilo Petrucci chu a pel thei ta lo a. A tawpah Ducati rider Danilo Petrucci chu pakhatna niin, Repsol Honda rider Marquez hi pahnihna a ni.

Red Bull KTM Factory rider Pol Espargaro chu pathumna a ni a, a hnungah hian Ducati rider Andrea Dovizioso chu thlengin, Reale Avintia Ducati rider Johann Zarco chu pangana a ni.

Le Mans-ah hian rider 7 chu a tawp thleng an tlan ve thei ta lo a, 15 chuan a tawp an tlan thleng thung a ni.

French MotoGP, Le Mans Results
1. Danilo Petrucci, Ducati
2. Alex Marquez, Repsol Honda
3. Pol Espargaro, Red Bull KTM Factory
4. Andrea Dovizioso, Ducati Team
5. Johann Zarco, Reale Avintia Ducati
6. Miguel Oliveira, Red Bull KTM Tech3
7. Takaaki Nakagami, LCR Honda
8. Stefan Bradl, Repsol Honda
9. Fabio Quartararo, Petronas Yamaha
10. Maverick Viñales, Monster Yamaha
11. Joan Mir, Suzuki Ecstar
12. Brad Binder, Red Bull KTM Factory
13. Francesco Bagnaia, Pramac Ducati
14. Aleix Espargaro, Factory Aprilia Gresini
15. Iker Lecuona, Red Bull KTM Tech3
DNF
Alex Rins, Suzuki Ecstar
Jack Miller, Pramac Ducati
Franco Morbidelli, Petronas Yamaha
Cal Crutchlow, LCR Honda
Tito Rabat, Reale Avintia Ducati
Bradley Smith, Factory Aprilia Gresini
Valentino Rossi, Monster Yamaha