​Lazio-ah David Silva a kal hmel

07th August 2020, 09:08AM

Manchester City captain David Silva chuan City-a a contract a hmang tep tawha, City-in UEFA Champions League an khel zawh rualin, Silva hi free agent a ni dawn.

Silva-a’n City a chhuahsan tur hi a chiang sa vek tawha, mahse a pan tur lam la chiang lovin, Italy lamah a kal ngei dawn niin a lang mek.

Sky Italia tarlan danin Serie A club Lazio chuan Silva hi lakluh an tum hle a, an lakluh ngei a rinawm thu pawh tarlan tel a ni a, inbiakna pawh a kal tluang hle niin a lang.

Silva hian City-ah season 10 zet hun a hmanga, trophy lian 11 lai chhawiin, season tin trophy chawi ziah anga chawhrual theih a ni.

Kum 34 mi Silva hian record tha tak tak neiin City a chhuahsan dawna, City chanchina Premier League game khel hnem ber a nih bakah hnehna chang hnem ber leh assist nei hnem ber a ni bawk.

Silva hian City hi Champions League trophy nena chhuahsan a duh ngei dawna , a tan chuan tun bak hi Champions League lakna chance a awm tawh lo a tih theih hial awm e.

City hian Champions League quarter final second chu Zirtawpni zanlai hian an khel dawna, hetah hian first leg-a 2-1 a an lo hneh tawh Real Madrid chu Etihad Stadium-ah an lo mikhual dawn a ni.

Copyright © inkhel.com 2024. All rights reserved.