2019 Laureus World Sports Awards dawng thei turin infiamna peng hrang hrangah hming an chhawp chhuak leh ta a, hetah hian Asian Games gold medallist Vinesh Phogat pawh telin, wrestler Vinesh Phogat hi India infiammi zinga he chawimawina dawng thei tura an nominate hmasak ber a ni.
Kum 24-a upa Haryana mi Vinesh Phogat hi 2016 Olympic Games ah khan 50 kg freestyle quarter final-ah a intina a, heti chung hian Asian Games ah gold medal a la thei leh ta tho a. Asian Games-ah hian India hmeichhe wrestler zingah chuan gold medal la thei hmasa ber a ni bawk a ni.
Vinesh Phogat hi a chet that chhoh em avangin Laureus World Comeback of the Year chawimawina dawng thei tur zinga chhawp chhuah a ni a, hemi huangah hian kum nga chhunga vawi khat champion leh thei, US Tour Championship winner Tiger Woods pawh telin, Japanese figure skater Yuzuru Hanyu, Canadian snowboarder Mark McMorris, US ski racing legend Lindsey Vonn leh Dutch Paralympic champion Bibian Mentel-Spee te pawh an tel a ni.
Khawvela infiamna huanga chawimawina ropui ber pawla ngaih Laureus World Sports Awards huanga India hming lan hnuhnun ber chu 2004 kha niin, hemi tum hian India cricket team leh Pakistan cricket team te chuan politics thil avanga an ram an inngeihloh viau laia tha taka khelmuala an inkhelh theih zel avangin Laureus Sport for Good Award an dawng dun a ni.
2014 khan India rama mi Magic Bus pawhin Laureus Sport for Good Award hi an lo dawng tawh bawk a. Vinesh hi India ram infiammi zingah category lian pasarih zinga pakhat dawng thei tur zinga tel hmasa ber a ni.
FIFA World Cup 2018 champion France chu Laureus World Team of the Year dawng thei tur zinga beiseiawm ber an ni a. A zawna Formula One Constructors World Championship vawi 5 ngawt dawng thei Mercedes AMG Peronas Formula One team pawh a zawnin kum thumna atan he huangah hian an tel leh a, a zawna kum thum chhung UEFA Champions League title latu Real Madrid, Winter Olympic champion Norway Winter Olympics team, NBA champion team Golden State Warriors leh European Ryder Cup team te chuan chawimawina dawn an tum dawn a ni.
World Cup winner Kylian Mbappe leh FIFA World Cup Golden Ball dawngtu Luka Modric te chu Laureus World Sportman of the Year dawng thei tur zinga langsar zual an ni a. He category-ah hian Formula One world champion Lewis Hamilton, Kenyan marathon world record siamtu Eliud Kipchoge, tennis world No. 1 Novak Djokovic leh NBA superstar LeBron James te pawh an tel a ni.
2018 chhunga infiammi tha berte hi Laureus World Sports Academy member 66 te chuan an thlang ang a, February 18 khian Monaco khawpuia 2019 Laureus World Sports Awards hi an sem dawn a ni.
Laureus World Sportsman of the Year
Novak Djokovic (Serbia) Tennis
Lewis Hamilton (UK) Motor Racing
LeBron James (USA) Basketball
Eliud Kipchoge (Kenya) Athletics
Kylian Mbappé (France) Football
Luka Modric (Croatia) Football
Laureus World Sportswoman of the Year
Simone Biles (USA) Gymnastics
Simona Halep (Romania) Tennis
Angelique Kerber (Germany) Tennis
Ester Ledecka (Czech Republic) Skiing / Snowboarding
Daniela Ryf (Switzerland) Ironman Triathlon
Mikaela Shiffrin (USA) Skiing
Laureus World Team of the Year
European Ryder Cup Team – Golf
France Men’s Football Team
Golden State Warriors (USA) Basketball
Mercedes AMG Petronas Formula One Team (Germany)
Norway Winter Olympics Team
Real Madrid (Spain) Football
Laureus World Breakthrough of the Year
Ana Carrasco (Spain) Motor Cycling
Sofia Goggia (Italy) Skiing
Jakob Ingebrigtsen (Norway) Athletics
Naomi Osaka (Japan) Tennis
Geraint Thomas (UK) Cycling
Briana Williams (Jamaica) Athletics
Laureus World Comeback of the Year
Yuzuru Hanyu (Japan) Skating
Mark McMorris (Canada) Snowboarding
Bibian Mentel-Spee (Netherlands) Snowboarding
Vinesh Phogat (India) Wrestling
Lindsey Vonn (USA) Skiing
Tiger Woods (USA) Golf
Laureus World Sportsperson of the Year with a Disability
Henrieta Farkasova (Slovakia) Skiing
Diede de Groot (Netherlands) Wheelchair Tennis
Brian McKeever (Canada) Cross-country Skiing
Oksana Masters (USA) Cross-country Skiing
Grigorios Polychronidis (Greece) Boccia
Markus Rehm (Germany) Athletics
Laureus World Action Sportsperson of the Year
Maya Gabeira (Brazil) Surfing
Anna Gasser (Austria) Snowboarding
Stephanie Gilmore (Australia) Surfing
Chloe Kim (USA) Snowboarding
Gabriel Medina (Brazil) Surfing
Shaun White (USA) Snowboarding