11 Jan 2019 11:29

inkhel

Las Vegas police-in Ronaldo-a DNA an duh

Cristiano Ronaldo-a ukil chuan Las Vegas police lamin Ronaldo-a DNA an duh niin a sawi.

Kathryn Mayorga chuan Ronaldo hian kum 2009 khan a pawngsual niin a sawi a, thubuai a theh luta, he thil hi chhui mek zel a ni. Mayorga hian kum 2009 khan Las Vegas hotel penthouse-ah Ronaldo hian a pawngsual ngei niin a insawi a, a sawi chhuah tirh phat atangin mi beng a verh hle.

Mayorga hian Ronaldo hian a pawngsual nia a puh mai bakah, Ronaldo hian thup turin a ti niin a sawi bawka, a sawichhuah loh nan Ballon d’Dor vawi nga lo la tawhtu hian $375,000 a pe niin a sawi bawk.

Ronaldo chuan heng puhna zawng zawng hi a pha a, a fihlim niin sawi mahse, police lamin thudik zawn chhuah tumin an la bei mek zela, a DNA sample hial an dil chho dawn ta niin a lang. Ronaldo-a sawi awih pawl an awma, Mayorga-i sawi awih pawl pawh awmin, thudik hriat a chakawm tawh hle.

Kum 2009 khan Mayorga hian pawngsual a nih thu police hnenah thlen tawhin, a hnu lawkah a zuzi a, tunah hi thar thawh lehin Ronaldo hi a khing ta a ni.

Las Vegas police lam hian Ronaldo-a DNA sample dil phalna an hmu tawh niin Sky Sports chuan a tarlanga. Ronaldo-a DNA sample an dilna chu Italy lama thawn nghal a niin Sky Sports chuan a sawi bawk.