​Lampard kan theihnghilh ta em ni ?

27th May 2015, 02:05AM

English player pahnih Premier League ti hlutu Gerrard leh Lampard te chuan Premier League an chhuahsan dawn, media lamah Gerrard chungchang kan hmu hnem em em, a player puite pawhin an uithu an sawi nasa. Hetih lai hian Man City midfielder Lampard hming erawh kan lam khat deuh.

Nikum khan chhuahsan a tum tawh kha a ni a, khami tum khan player te pawhin an ui thu an sawi sap sap a nih kha, mahse New York City FC neitu hi Man City neitu th

o an nih avangin Premier League-ah Man City tan a khel chhunzawm leh a, kha vang kha a ni mahna Lampard hming kan lam tak vak loh. Mahse hei tunah chuan America lam a pan dawn ta tak tak a, he English midfielder ka ui chungchang hi kan ziak ve leh hrim hrim ange.

Premier League title 4, FA Cup 4, Champions League leh Europa League title la thei midfielder Frank Lampard hi a nep thei lo hrim hrim. Kum 36 mi a ni ve ta, a uaithla lam pawh ni mahse season liamta khan Manchester City tan a che chhelo hle. Man City tan game 35 lai a khel leh thova, goal pawh vawi 8 lai khungin, Premier League-ah goal 6 a khung leh hram a. Premier League goal 177 lai a khung ta a ni.

Midfielder goal khung thei tak a ni a, Chelsea-in hlawhtlinna tam tak an chan chhan pawh hi Lampard vang kan ti lo thei lo. Hla tak tak atanga a pet goal kan hmu hnem a, an striker ten goal an khung theih loh changin goal a khung leh hram thin. 2014-15 Champions Chelsea pawhin champion an lawmnaah an theihnghilh lo chiang hle.

mah ang bawka Premier League chhuahsan tur Drogba chuan Champion an lawmnaah Lampard-a hming a lam hmaih lo chiang hle. West Ham-a a khelh lai pawha England player ropui ni tura rinkai a ni a, Chelsea-ah a vanglai zawng zawng a hmang zova. Lampard hian Chelsea a lo hmangaih hle tih nikum khan kan hria. Chelsea chhuahsan tura thutlukna siam kha thil harsa ber a nih thu a sawi nghe nghe. Thil pawi tak pakhat erawh a vanglai takin England manager ten Gerrard nen an rem fuh hleithei lo kha a ni.

Kum tam tak liam pawh nise Premier League History kan sawi a pianga Alan Shearer te, Andy Cole te, Cantona te, etc.. hming kan lam nawn fo ang hian Lampard-a hming hi kan lam nawn ve fo tawh dawn. Naupangte a nih lai atanga West Ham tana a rawn inlan laite kan hmu a, tunah chuan Football-a a hun hnuhnung lam a ni chho ve ta reng mai. Footballer parvul chhung hi chu a lo va rei lo tak em. English Football tan chuan channa nasa tak a ni e.

Copyright © inkhel.com 2024. All rights reserved.