29 Feb 2020 06:45

inkhel

Lalnunsanga'n motorsports chawimawina a dawng

K. Lalnunsanga chuan FMSCI Upcoming Motorsport Person of the Year 2019 & Gautam Singhania Rolling Trophy a dawng a. Electric Veng tlangval K. Lalnunsanga hi Kiren Rijiju, Hon’ble Minister of Youth Affairs & Sports chuan New Delhi khawpuiah chawimawina hi a hlan.

Chawimawina hlan inkhawmah hian Kiren Rijiju chuan motorsports chu sports changtu hmasate lo ngaihtuah thin ang kha a nih tawh loh thu sawiin, motorsports huang zauh zel turin FMSCI chu tanpui an ngaih phawt chuan a tlanchhe lo tih a sawi.

India ram hmun dangte bakah hmar chhak lama kan unaute ngeiin sports hrang hrangah hma kan sawn zel tiin, motorsports-ah Mizoram tlangval a lang hi a lawm zia a sawi a. K. Lalnunsanga bakah thalai dangte ke pen chhuak zel tura a duh thu sawiin Kiren Rijiju chuan duhsakna a hlan a ni.

Mizoram Motorsports Association (MiMSA) president Pu Lalfakzuala Hauzel chuan Lalnunsanga hi tawiawmin, chawimawina a dawn chu a phu hle tih a sawi.

“Thangtharte tan chona kan neih rualin kan sorkar chak tak hian thalaite min tiam tawh Race Track hi thil tih hmasak atan kan mamawh hle a. Motorsports khawvela India pho chhuak turin Mizo thalaite hi tehna hrang hrang atangin kan tling tawk a, sports discipline dangte anga hmunhma tha nei tura chak taka hma min laksaktu tur chiah kan mamawh ta,” tiin Lalfakzuala Hauzel chuan a sawi a ni.