2015 SAFF Suzuki Cup-ah 4-1 a Nepal hnehin India chuan Semi Final an lut ta a. India tan kum 18 mi lek Lallianzuala Chhangte chuan goal hnih a khung a ni.
1995 Nehru Cup-ah khan Bhaichung Bhutia khan kum 19 mi lek niin India Senior team tan goal a khung a, India tana goal khung thei naupang ber a ni. Chu chu zanin khan The Sports Hub, Trivandrum Stadium, Kerala-ah Lallianzuala chuan kum 18 mi niin a khum ta a ni.
India 4-1 Nepal
(Rowllin Borges 26', Sunil Chhetri 67', Lallianzuala Chhangte 81', 90') (Bimal Gharti Magar 3')
India XI : Subrata Paul, Aiborlang Khongjee, Augustin M Fernandes, Lyngdoh, Bikash Jairu, Sunil Chhetri (C), Nazary, Pritam Kotal, Narayan Das, Borges, Sanju Pradhan.
Subs : Kumar Mondal, Robin Singh, Jeje Lalpekhlua, Pronay Halder, Karanjit Singh, Gurpreet Singh Sandhu, Lalchhuanmawia, Kousik Sakar, Lallianzuala Chhangte.
Nepal XI : Biraj Maharjan (C), Aditya Chaudhary, Bishal Rai, Heman Gurung, Kiran Kumar Limbu, Nawayung Shrestham Jitendra Karkim Ranjit Dhimal, Bimal Ghartimagar.
Subs : Bikesh Kuthu, Rabin Shrestha, Ananta Tamang, Jagajeet Shrestha, Anil Gurung, Bikram Lama, Yogesh Gurug, Amrit Chaudhary, Nabin Lama
Bimal Magar chuan tan atanga minute thum lekah Nepal tan goal a khung a, he goal hi first half minute 30 an khelh tlin hmain Rowlin Borges chuan free kick atangin India tan a rul. Sunil Chhetri chuan 2-1 in second half 67 mins-ah India hma a hruaipui a.
India coach Stephen Constantine-a chuan Sanju Pradhan lachhuakin kum 18 mi Lallianzuala Chhangte chu a dahlut ta a. Lallianzuala Chhangte chuan ropui takin India game a khar ta a, 81 mins-ah box dinglam sir atangin mawi em emin a ke veilamin a thuai goal. India tan a game hnihnaah goal a khung ta. Lallianzuala hian a la duhtawk mailo. 90 mins-ah goal dangdai leh ropui a khung leh.
Halfway line pel hret atanga ball tha zet chu box chhung chiah chiah atangin Lallianzuala chuan mawi em emin Nepal goalkeeper Kiran Kumar Limbu a khum ta, goal mawi leh ropui tak a ni e. Tichuan India chuan 4-1 in hnehna an chang ta a, SAFF Suzuki Cup-ah semi final an lut ta a ni.
Liverpool FC International Academy- DSK Shivajians player pawimawh Lallianzuala hian SAFF Suzuki Cup-ah Sri Lanka a lo hmachhawn ve tawh a, kha match kha India tan a inlan hmasak ber a ni. Zaninah India tan a game hnihnaah goal a khung ta a, India tan game hnih atangin goal hnih a khung ta a ni. India coach hian player naupangte chance pek a tiam ang ngeiin player naupang a chhawr ta nual a, Nazary phei chuan first XI a chang nghe nghe a, ani hian goal a khung teuh hle a, Nepal goalkeeper Limbu chuan a lo dang a ni.
He match-ah hian Mizo striker chhuanvawr Jeje Lalpekhlua chu coach-in bench-ah dah ren rawn mahse loh theih lohvin a dahlut ta thova, ani pawh hian goal khung theihna chance tha a nei hman thova, kan Mizo player-te hi an kheltha hle nghe nghe a ni.