DSK Shivajians Liverpool Football Club International Football Academy hrechiang em emtu reporter pakhat hnen atanga inkhel.com-in thu kan dawn danin Mizo Footballer pahnih Lallianzuala Chhangte leh Jerry Mawihmingthangate chuan Liverpool an pan dawn ta.
Lallianzuala Chhangte leh Jerry Mawihmingthangate hi DSK Shivajians LFC International Football Academy-ah tha takin an inzir a, Lallianzuala Chhangte ngat phei chu India National Team-a koh hial a ni a, India tan goal a khung tawh nghe nghe a ni.
Mizo player pahnite hi hma an sawn em avangin England-a Liverpool hmunpui lamah training nei tura tirh an ni dawn ta a. DSK Shivajians LFC International Football Academy-a awm zawng zawng zingah Mizo player pahnih chiah hi Liverpool kal tura thlan an ni. England-a Liverpool Academy an zawm dawn nge? Reserve Team-ah Trial turin an ti zawk? Tih erawh report kan dawnna atangin kan la hre chiang thei lo a ni.
India ramah hian player naupang talent tha tak tak nei an tam hle a, DSK Shivajians LFC International Football Academy hian India rama naupang tha tak tak an khawm a, a hlawhtlinna kan hmu chho mek zel a ni.