25 Aug 2020 04:53

inkhel

Lakers chak laiin Davis a inhliam

Los Angeles Lakers chuan Portland Trail Blazers hnehin 3-1 in hma an hruai tawh a, he inkhelah hian Anthony Davis chu a inhliam vangin a khel tluan thei lo.

Game 4 an khelhah hian Los Angeles Lakers chuan 135-115 in Portland Trail Blazers chu an hneh a, Western Conference first-round series-ah 3-1 in hma an hruai tawh a. Second half hun tam zawkah Anthony Davis chu a intih nat avangin an chhawr thei lo a ni.

All-Star vawi sarih lo ni tawh Davis chuan third quarter tir lamah locker room lam a pan a, hetih lai hian Lakers chuan 91-53 ngawtin hma an hruai mek a. A inkhelh chhunzawm theih tak lohah chuan a sir atangin inkhel chu a en chhunzawm ta mai a ni.

A chhuah hma hian Davis chu court chhungah minute 18 a awm ve hman a, hemi chhung hian point 18 chu a score hman a. A hnung a nat tak avangin a tawp thlengin a khel ve thei ta lo a, a hliam chu chuti taka na a nih a rin loh thu a sawi a. August 26 a Game 5 an khelh hunah pawh a tel ve theih a beisei thu a sawi.

Anthony Davis chuan, “Ka hnung chu a fuh lo palh ve mai a nih hmel a, chuti taka na a ni hran lo a, ka dam ve leh vat mai ang. Game 5 ah pawh ka khelh theih ka ring,” tiin chanchinthar lakhawmtute a hrilh.

LeBron James chuan Lakers tan hian point 30 a score a, assist 10 a nei bawk a. He mi hunah hian Kobe Bryant hriat rengna hun an hmang a, inkhelhnaa awmte chuan he hun hi an hmang urhsun hle.

Kobe Bryant chuan Lakers ah khan jersey number 8 leh 24 te a ha thin a, heng jersey te ha chung hian hun hlawhtling tak a hmang hman a. Kumin January thlaah khan a fanu leh mi dang pasarih te nen helicopter in an chesual a, an nunna an chan hlawm a ni.

James chuan inkhelh hmain Kobe Bryant-a Lakers jersey a ha a, Davis chuan vawi li ngawt MVP lo ni tawh chu a hmuh dan a dang vek tih sawiin, a hma zawng aiin tih tak takna a nei nasa zawk niin a sawi a ni.