Lawngtlai District Volleyball Association buatsaih (LADC) Chairman Volleyball Mens' & Womens' running Trophy 2019 chu Lawngtlai Chandmary Volleyball Court-ah Final khelh a ni a, Hmeichhia inelnaah Sihtlangpui an Champion a, Mipa inelnaah Hmangaihzauva Memorial Volleyball Club an Champion.

A Kharna hunah hian Pu Thathluna Chinzah, LADC Sports & Youth Officer chu khuallian a ni. Khuallian Pu Thathluna Chinzah chuan chuan thusawiin "Khawvel hian Infiamna a kalpui tan tirh khan inter village angin a kalpui thin a. Hun rei tak kalin tunah chuan Inter Village chu kalsanin, Inter club in a kal ta a ni. Chutiang chuan Mizoram ah pawh Inter club angin kan kal chho ve tan ta a, mahse Inter club nihna chu kan keng tel si lo a ti. Inter club ah chuan Veng leh Veng, khua leh khua a awm tawh lova, Infiammite an zalen tawh a, Inter club-ah chuan a neitu leh manager te chu player te control tu an lo ni tawh a. Chu chuan nasa takin hmasawnna a thlen a ni" a ti.

Hmeichhia Final

Sihtlangpui Volleyball Club leh B.D-a Volleyball Team A ten an khel a. Sihtlangpui hian 15-7,15-8,15-6 (3-0) a hnehna changin an Champion a, Rs 10,000/- Trophy an dawng a. pahnihna BD Volleyball Club te hian Rs 5,000/- an dawng ve bawk. 

Mipa Final

Hmangaihzauva Memorial VC leh College Veng VC ten an khel ve leh thung a. Set hmasa berah hian Hmangaihzauva Memorial VC hian 28-26 in set hi an la.

Set hnihna khelh chhunzawm a ni a, College Veng chuan 25-16 in set an rawn la ve thung.

Set thumna Hmangaihzauva Memorial lam an rawn chetha ve leh thung a. Sangliana, Rochhara leh Rohlua te an chakna hnar an ni a,  25-17 in Hmangaihzauva Memorial te chuan set thumna an la leh ta a ni. 

Set 4-na hi game tan tirh atangin College Veng lam hi an tang nghal hle a. Chumi rual chuan Hmangaihzuava Memorial lam hian Deciding game khelh ngai lova Champion nomawi chawi ngei an tum tih phat rual lovin Rohlua leh Sangliana thawhrah sengin 25-15 in hnenhna an rawn chang leh ta a. Tichuan, 3-1 a set la in Hmangaihzauva Memorial Volleyball Club te hi an champion ta a ni. Champion Team hian Trophy leh Rs 20,000/- an dawng a. pahnihna College Veng  hian Rs 10,000 an dawng bawk.

Mimal lawmman

Mipa

Best Spiker: Rohlua, Hmangaihzauva Memorial Volleyball Club, Rs 500/-

Best Setter: Men B.Laldingliana, College Veng Volleyball club, Rs 500/-

Best Receiver: Jerry Remsangzuala, Hmangaihzauva Memorial Volleyball Club, Rs 500/-

Hmeichhia

Best Spiker:  Ngunkhunhniangi, Sihtlangpui Volleyball Club, Rs 500/-

Best Receiver: Lalrinthangi, BD-a Team A, Rs 500/-

Best Setter:  Dorothy Lalngaihsaki, Sihtlangpui Volleyball club, Rs 500/-