La Liga chuan Welsh club CPD Llanfairpwllgwyngyllgogerychwyrndropwllllantysiliogogogoch FC an sponsor a, tun season chhung La Liga hi Llanfairpwllgwyngyllgogerychwyrndropwllllantysiliogogogoch kawr hma sponsor an ni dawn a ni.
Llanfairpwllgwyngyllgogerychwyrndropwllllantysiliogogogoch hi khawvela football club hming sei ber a ni a, an club hming pum hi Clwb Pêl Droed Llanfairpwllgwyngyllgogerychwyrndrobwllllantysiliogogogoch Football Club niin, CPD Llanfairpwll FC tia lamtawi a ni.
Welsh domestic football system-ah Llanfairpwl hi fifth tier-ah an awm mek a, nakkumah hian an club kum 125 tlinna an lawm dawn.
La Liga chuan football khawvela hming langsar ber ber pahnih an inzawm tih an puang a, Llanfairpwl FC-a an chairperson Samantha Jones-Smith chuan La Liga nena inremna an ziak thei chu a lawmawm a tih thu a sawi bawk.
Welsh ho hian English hmang nasa tawh viau mah se tawng hran an nei a, Llanfairpwllgwyngyllgogerychwyrndropwllllantysiliogogogoch tih hi English chuan “St Mary's Church in the Hollow of the White Hazel near a Rapid Whirlpool and the Church of St. Tysilio near the Red Cave” tia lehlin theih a ni.