24 Nov 2018 02:14

inkhel

LA Lakers in Utah Jazz an hneh

Los Angeles Lakers chuan Utah Jazz an hneh a, a zawnin Lakers hi vawi thum an chak ta a, an game hnuhnung 8 ah vawi sarih an chak ta bawk a ni.

LeBron James chuan point 22 a thun a, rebound 10 a la bawk a. A teammate Brandon Ingram chuan point 24 a thun bawk a, Los Angeles Lakers chuan Utah Jazz chu 90-83 in an hneh theih phah a. Lakers tan hian JaVale McGee pawhin point 12 thunin Lonzo Ball chuan rebound 10 a la bawk.

Utah Jazz hi an che fuh lo laklawh a, an game hnuhnung 6 zinga pangaah an chak lo a, game hnuhnung 13 ah vawi 9 an tlawm tling tawh bawk a. Jazz tan hian guard Donovan Mitchell chu inhliam vangin second quarter-ah a chhuak a, a tel zui ta lo.

Jazz tan hian Alec Burks chuan point 17 a score a, Joe Ingles chuan point 16 a score bawk a. Rudy Gobert chuan point 13 a score a, Derrick Favors pawhin point 10 chu a thun bawk a ni.

Pathianni hian Lakers chuan Orlando an mikhual dawn a, Utah chuan Sacramento an tlawh ve thung ang.

Result hrang hrang:
Washington Wizards 107-125 Toronto Raptors
Portland Trail Blazers 97-125 Golden State Warriors
Utah Jazz 83-90 Los Angeles Lakers
Houston Rockets 111-116 Detroit Pistons (OT)
Charlotte Hornets 104-109 Oklahoma City Thunder
Phoenix Suns 116-114 Milwaukee Bucks
New Orleans Pelicans 109-114 New York Knicks
Boston Celtics 114-96 Atlanta Hawks
Cleveland Cavaliers 121-112 Philadelphia 76ers
Miami Heat 103-96 Chicago Bulls
San Antonio Spurs 111-100 Indiana Pacers
Orlando Magic 87-112 Denver Nuggets
Memphis Grizzlies 107-112 Los Angeles Clippers (OT)
Minnesota Timberwolves 112-102 Brooklyn Nets