11 Oct 2018 08:50

Inkhel

Mizo Sports Website hmasa ber

Kuminah Jones vs Gustafsson II kan hmu dawn e

Combat sports ngaituten kan hmuh leh chak em em Jon Jones leh Alexander Gustafsson rematch rokhawlhna a awm thut a nih loh chuan chu kumin kum tawpa neih tur UFC 232-ah a thleng dawn ta. UFC lamin official-in la puang chiah lo mahse thil chiag saa ngaih a ni.

Jon Jones hi Daniel Cormier nen nikum khan an inhmachhawn a, Jones hi chak mahse a a thisena phalloh thil hnuhma hmuh a nih avangin hrem a ni zui a, kumin October thla tawp hian a hremna a tawp dawn. UFC 232 hi kumin kum tawp December 29-a neih tura ruahman a ni a, main event tur hi UFC light heavyweight title inchuhna a ni dawn.

Tunah hian UFC light heavyweight title hi Daniel Cormier chuan a kawl a, ani hian UFC heavyweight title nen a kawl kawp mek. DC hian thla leh a neih tur UFC 230-ah UFC heavyweight title match-ah Derrick Lewis a hmachhawn dawn a, light heavyweight champion a nihna hi Jones leh Gustafsson intum huna round hmasa ber tan a nih rualin a tawp ve nghal anga, Jones vs Gustafsson-a chak zawk zawk hi UFC light heavyweight champion thar an ni ang.

Jones leh Gustafsson-te hi kum nga kalta khan UFC 165-ah an lo intum tawh a, an intum tawk hle a, UFC chanchina fight hmuhnawm berte zinga mi a ni ti ila kan sawi sual tam lovang. He fight-ah hian Jones hi unanimous decision hmanga chakin, a light heavyweight title a humhim.

Jon Jones-a that zia hi sawi tam a ngai lova, hneh thei an awm meuh lo. Gustafsson pawh hi a theuneu lo hle a, UFC light heavyweight zinga tha ber pawl niin, Daniel Cormier, Jon Jones leh Anthony Johnson-te a hneh thei lo erawhin champion a nihna tur a dal hle.

UFC 232 line up hriat theih tawhte:

Jon Jones vs. Alexander Gustafsson – for light heavyweight title

Cris Cyborg vs. Amanda Nunes

Corey Anderson vs. Ilir Latifi

Ryan Hall vs. B.J. Penn

Arnold Allen vs. Gilbert Melendez

Michael Chiesa vs. Carlos Condit