British heavyweight boxer Anthony Joshua chu a vawikhat nan USA-ah a inhnek dawn a, kumin June ni khatah American boxer Jarrell Miller nen an inhnek dawn.

Kum 29 mi AJ hian Madison Square Garden-ah a IBF, WBA leh WBO world heavyweight title-te humhim a tum dawn a, hneh loh la tawng lo British boxer AJ hian hneh loh la tawng lo ve bawk American boxer Miller chu; Miller-a lalna ram New York-ah a luhchilh dawn.

Kum 30 mi Miller hi a boxing career-ah vawi 23 chak tawhin, viawkhat draw a nei tawh a, title fight erawh a la nei ngai lo. AJ-a’n a hmachhawn tawh zawng zawngah Miller hi a la rit ber dawn niin a lang bawk.

AJ hian nikum September thla khan Alexander Povetkin chu a lo hneh tawh a, Miller-a lakah chona thar hlak a hmachhawn dawn.

Miller hi ‘Big Baby’ tiha hriat a ni bawk a, vawi 20 knock-out hmangin a chak tawha, AJ erawh midang ang ngawt a ni dawn tih chu a chiang hle.

Miller chuan AJ-a New York-a lokal tur chu a tihsual hle tur thu sawiin, “New York-a a rawn kal tur hi AJ hian a tisual hle dawn a, kut ruakin New York a chhuahsan dawn. He fight hi ka damchhunga ka lo nghah tawh a ni a, June ni khatah ka lo pian chhan ka ti hlawhtling dawn a ni,” a ti.