Ferrari atangin McLaren lamah a insuan, mahse kumin erawh McLaren an che chhe hle a, Honda engine an hma a fuh hleithei lo. Chutih laiin Fernando Alonso chuan McLaren lakah beiseina a nei sang hle a, kumin hi chu enchhinna chauh a nih thu a sawi chhuak.

Alonso chuan an chetchhiat avanga a hnual loh thu a sawi rualin World Champion nih ngei a tum thu a sawi a."World Champion nih ka duh, mahse kumin hi chuan kan thei lovang.

"Harsatna tam tak kan tawk a, nakkumah erawh kan tha tawh khawp ang. Kumin chu enchhin nan kan hmang a ni deuh ber. Thlasik enchhinna a ni lo, kumin chhung zawng enchhin nan kan hmang dawn. Kan thlir ber chu 2016 hi a ni a, kumin hian a tha thei ang bera tlan chhuah kan tum bawk dawn a ni," tiin a sawi.

Honda nena an thawh hona McLaren chuan a la chhu chat duh chuang lova. Monaco GP tlan zawh takah khan Jenson Button chu pariatna niin McLaren tan kumina an point hmasa ber a hlawh chhuak a ni.