Manchester City manager Pep Guardiola chuan Manchester United forward Cristiano Ronaldo chuan a dam chhungin goal a khung tur thu leh kum 75 a nih hunah pawh goal a la khung dawn tih a sawi.

Vawiin tlai hian Premier League inkhelah Manchester derby kan hmun a, Guardiola leh a naute’n Old Trafford-ah an thenawm club Manchester United an tlawh dawn a, tlai dar 6-ah an inkhel tan ang.

Ronaldo hi tunah kum 36 mi ni tawh mahse ani aia goal khung thei hi an tam bik chuang hauh lova, zanina City-in United an hmachhawn hunah pawh Ronaldo hi an tana hlauhawm ber a nih leh a rinawm a ni.

Guardiola chuan, “Ronaldo hian a damchhungin goal a khung dawn a, kum 75 a nih hunah pawh inkhelh chawlhsan tawh mahse an inkhelh mai mainaah goal a la khung tho ang.

“Ronaldo leh Lionel Messi te’n kum sawm liamta chhunga football khawvela an tih tawh te hian an dinhmun a ti lang chiang hle a ni. Premier League tan Ronaldo a rawn kir hi a tha a, Ronaldo hi United ta a ni a, United hi Ronaldo ta a ni bawk a ni,” tiin Sky Sports a hrilh.