Football khawvelin a nghahhlelh, Ballon d’Or lawmman chu sem a lo ni ta a, kum 10 hnuah a vawikhat nan Cristiano Ronaldo emaw Lionel Messi-te ni lovin Ballon d'Or lawmman a dawng ve ta.

Ballon d’Or dawngtu hi tu dang ni lovin a zawna Real Madrid chu Champions League vawithum chawipuitu, Croatia captain; kumin World Cup-a a ram Croatia final thlenpuitu leh kumin chhunga mimal lawmman hrawl zawng zawng World Cup Golden Ball, The Best FIFA Men’s Player leh UEFA Men’s Player of the Year lawmman huitu Luka Modric a ni.

Ballon d’Or vawi nga lo la tawh Cristiano Ronaldo chu pahnihna a ni a, Antoine Griezmann chu pathumna a ni bawk. Ballon d’Or vawi nga tho la tawhtu Lionel Messi chu panganaah a awm bawk a ni.

Modric hi football chanchinah kum khat chhunga World Cup Golden Ball, The Best FIFA Men’s Player leh UEFA Men’s Player of the Year leh Ballon d’Or-te dawng vek thei awmchhun a ni a, Croatian player awm tawh zawng zawng zinga ropui ber a ni reng tawh dawn.

Ballon d’Or award semnaah hian Kopa Trophy (Under 21 player tha ber) pawh a vawikhat nan sem a ni a, a dawng hmasa ber hi Kylian Mbappe a ni. Hmeichhe Ballon d’Or pawh a vawikhat nan sem niin, Norwgian forward; Lyon tana khel mek Ada Hegerberg chu hmeichhe Ballon d’Or dawng hmasa ber a ni bawk a ni.

Kum 2018 Ballon d’Or top 10:

1. Luka Modric

2. Cristiano Ronaldo

3. Antoine Griezmann

4. Kylian Mbappe

5. Lionel Messi

6. Mohamed Salah

7. Raphael Varane

8. Eden Hazard

9. Kevin De Bruyne

10. Harry Kane

Tun kum 10 chhunga Ballon d’Or lawmman dawng theite:

2008 Ronaldo
2009 Messi
2010 Messi
2011 Messi
2012 Messi
2013 Ronaldo
2014 Ronaldo
2015 Messi
2016 Ronaldo
2017 Ronaldo
2018 LUKA MODRIC