Suarez chuan ropui takin Barcelona chu Treble Champion a nih pui ta a, kum 2009 atanga Liverpool chhuahsan Champions League chawi thei parukna a ni ta bawk.

Kum 2009 atanga chhiar in Liverpool chhuahsan hnu a Champions League chawi thei te chu Luis Suarez, Javier Mascherano, Xabi Alonso, Alvaro Arbeloa, Fernando Torres leh Raul Meireles te chuan Champions League trophy an tawh ta a ni.

Champions League final a Juventus laka hmahruaina goal thun tu Suarez hian Barcelona chu La Liga mai bakah Copa Del Rey a chawipui a, tun season a Barcelona player pawimawhber te zingah a tel nghal thei bawk a ni.

Kum 2009 hnu lama Liverpool chhuahsan zingah Javier Mascherano chuan Champions League trophy tum hnih lai Barcelona tan a chawi ta a, kum 2010 a £17.5m laia Barcelona in Liverpool atanga an lei Mascherano hian La Liga ah tum thum lai Barcelona a champion pui tawh a, Spanish Cup tum hnih a chawi tawh bawk.

Istanbul a Liverpool Champions League a champion puitu Alonso khan kum 2009 khan Liverpool hi a chhuahsan a, £30m lai in Real Madrid ah lut in Madrid hi 2014 khan Champions League ah a champion pui a nih kha.

Alonso rual vek hian Alvaro Arbeloa khan Liverpool a chhuahsan ve bawk a, Real Madrid a tho lut in Alonso rual hian Champions League trophy a chawi ve bawk.

Liverpool chhuahsan zinga boruak nei lianber pawl Torres khan Liverpool ah game 142 a khelhah goal 81 lai thun mahse trophy pakhatman Liverpool ah khan a chawi lova, January 2011 a £50m laia Chelsea in an lakluh khan Chelsea ah beisei phaklo hle mahse Champions League an chawina kawngah goal pawimawh em em a thun a nih kha.

Chelsea bawkin Liverpool player an chhuhsak leh Raul Meireles khan Aug 2011 khan Liverpool atangin Chelsea a zawm a, final ah hrem a tawh vanga Bayern Munich hmachhawn theilo mahse Champions League trophy chu a chawi ta tho a ni.