Kulikawn CC in Bawngkawn CC an hneh

12th April 2021, 06:04PM

Mahuma Memorial 1st Division Cricket Tournament chu vawiin khan Sihhmui ah League Round 6 na khelh zawh niin Kulikawn CC in Bawngkawn South CC an hneh.

Kulikawn CC toss-ah an chak a, bat hmasak an thlanga, Kulikawn ten last match a an batting line up an thlak ang deuh chiah in an line up an rawn set leh a, an hlawhtlinpui leh viau mai. Over 50 ah run 277 siam in wicket 7 an hloh a, Captain Michael Lalremkima'n run 44 siam in, Roger Lalruatfela'n run 48 a siam bawk a, a tawp lam ah Vikash Kumar chuan ball 35 lek ah run 55 vaw chhuak in a out lo a ni.

Bawngkawn South tan R. Lalhlimpuia chuan wicket 3 a la bawk.

Bawngkawn South CC ten bat ve leh in an Batsman zingah Lalremruata'n run 37 siam in a siam hnem ber a, midang run siam hnem thei dang an awm lo, over 36.1 ah wicket hloh vek in run 99 chiah an siam thei a, Kulikawn CC te hi run 178 in an chak a ni.

Kulikawn tan Michael Lalremkima leh TC Lalendenthara ten Wicket 4 ve ve an la ni.

MAN OF THE MATCH : MICHAEL LALREMKIMA

( KULIKAWN CC)

13.04.2021 (Tuesday) fixtures:

1st Division (Mahuma Memorial)

GORKHA CC vs ZARKAWT LORDS CC

Copyright © inkhel.com 2024. All rights reserved.