​Konta-in China Open Final a lut

08th October 2016, 09:10PM

British no 1 Johanna Konta chu China Open khelh mekah Final a inhlangkai ta e, Konta hian Final lut turin a khingpui Madison Keys chu 7-6, 4-6, 6-4 in a hneh a ni. Semi-final hmuhnawm tak a ni a, Konta hian hnehna chang turin darkar hnih leh minute 35 zet a mamawh.

Konta hian Final-ah Elina Svitolina leh Agniezka Radwasnka inkhela chak zawk zawk a hmachhawn ang. China Open Final a thlen tak avangin Konta hi WTA ranking-ah Top 10-ah a inhlangkai nghal a, kum 1984 hnua British hmeichhia Top 10 a inhlangkai leh hmasa ber a ni bawk. British hmeichhia Top 10 a inlangkai hnuhnung ber chu Jo Durie kha a ni.

"A lawmawm dangdai khawp mai, Final ka lut thei hi malsawmna ka dawng nasa hlein ka hria," tiin China Open Final a lut thei chu a lawm thu a sawi. Konta hi June 2015 kha chuan world no 146-na a ni pha tawk a ni.

Copyright © inkhel.com 2024. All rights reserved.