NBA champion vawi 5 lai lo ni tawh LA Lakers captain hlui Kobe Bryant chuan tanpui ngaite puih nan a hmaikawr chu lilam turin a thehchhuak a, $15,000 (£12,204) atanga chhan tan tur a ni dawn a ni.
Kum 2012 All-Star game-ah khan Bryant hian a hnar ruh a ti tliak palh a, khami tum khan Michael Jordan-a All- Star game score record a khum nghe nghe. Khami tuma a hnar ruh a tliah hnu khan Kobe hian Lakers game 4-ah hmaikawr a vuah a, 'The Masked Mamba' an tih phah a nih kha.
Auction-tu turte chuan, "NBA fan tawh phawt chuan amah hmuh an chak, NBA-a mi ropui thuam thil," tiin an thil auction tur chungchang hi an sawi nghe nghe a ni.
Bryant hian a hma pawhin a hmaikawr pakhat a lo lilam tawh bawk a, Kobe and Vanessa Bryant Family Foundation atan niin, $67,000 (£54,498) lai an hlawhchhuak nghe nghe a ni.
Source : bbc