Liverpool chu Champions League bikah knockout stage specialist tia sawi an ni a, anni hi he inelna sangah hian knockout game an khelh tawhah 47% zet an chak thei a ni.

Europe khawmualpuia inelna sang berah hian Liverpool ni lo team dangte chu 33% aia tam chak thei an la awm ve lo a, European title la hnem tawh em em Real Madrid pawh 33% aia tam chak thei lo zingah hian an tel ve a ni.

Los Blancos hi Liverpool hnuai chiahah chuan an awm a, Bayern Munich nen an inrual chiah a, knockout game an khelha an chak tawh zat hi chawhrual chuan a inzat chiah a. Manchester United chu palinaah an awm a, anni hi knockout stage bikah 32% chu an chak tling tawh a, tun season bika la dam zingah chuan PSG an hnawhchhuah hnuah record tha ber dawttu an ni mek a ni.

Kar hmasa khan Real Madrid chuan Bernabeu-ah Ajax Amsterdam an hneh lo a, Champions League atangin an tla tawh a, Liverpool chuan Bayern Munich an hnawtchhuak ve thung a ni.

Juventus leh Paris Saint-Germain te chu knockout stage match an khelh tawha 30% aia tam chak thei zingah telin, Serie A club hi 32% an chak tawh a, Ligue 1 club te hi 31% an chak tawh bawk.

Arsenal, Atletico Madrid leh Borussia Dortmund te chu Top 10-ah an lang pha a, Atleti leh Dortmund te chu 21% an chak thei a ni.