02 Jun 2020 02:26

bakteaJr.

Mizo tlangval

​Khual mualah Leipzig an chak

Bundesliga inkhelah RB Leipzig chuan RheinEnergieSTADION-ah FC Koln an luhkhunga, Leipzig hian khual mualah 4-2 in hnehna an changa, point thum an hlawhchhuak.

He inkhelah hian Leipzig tan Patrick Schick, Christopher Nkunku, Timo Werner leh Dani Olmo-te chuan goal khat theuh an khunga, Koln tan hian Jhon Cordoba leh Anthony Modeste te chuan goal khat ve ve an khung bawk.

Khelh 29 khelh tawhah Leipzig hian point 58 hlawhchhuak tawhin, pathumnaah an chho a, pahnihnaa awm Borussia Dortmund chu point hnihin an pha lo. Koln hian khelh 29-ah point 34 hlawhchhuak tawhin, 11-naah an awm mek a ni.

Inkhel an tana, 7mins khelh Cordoba chuan mual neitu lam Koln chu hma a hruaipuia, mahse 20mins-ah Leipzig hian an si phurh rul leh nghalin, Schick chuan Leipzig goal hmasa ber hi a khung.

Half time hma deuhin Leipzig hian hma an hruaia, Laimer-a pass tha zet hmang tangkaiin Nkunku chuan Leipzig goal hnihna khungin, 2-1 in first half a tawp.

Second half tan a ni a, minute nga khelh a nihin Werner chuan Leipzig goal thumna a khung; ani hian an goalkeeper Gulasci-a pass hmangin goal a khunga, Leipzig-in goal hnihin hma an hruai.

Werner-a goal khung atanga minute nga hnuah Lammuala goal khung tawh Modeste chuan Koln goal hnihna a khunga, Klostermann-a cross chhe tak hmang tangkaiin Modeste hial goal a khung.

Modeste-a goal khung atanga minute hnih lek a liam tihah Olmo chuan Leipzig goal lina leh inkhel goal lut hnuhnung ber a khunga, 4-2 in Leipzig hian hnehna an chang ta a ni.

FC Koln 2-4 RB Leipzig

(Cordoba 7’, Modeste 55’) (Schick 20’, Nkunku 38’, Werner 50’, Olmo 57’)

Player Ratings

FC Koln: Horn 7, Schmitz 5, Leistner 6, Czichos 5, Katterbach 6, Hector 6, Skhiri 5, Jakobs 5, Rexhbecaj 6, Kainz 6, Cordoba 8. Subs: Modeste 7, Drexler 6, Thielman 6, Mere 6, Terrode 6.

RB Leipzig: Gulasci 6, Mukiele 7, Upamecano 6, Klostermann 5, Angelino 7, Olmo 7, Laimer 8, Sabitzer 7, Shick 7, Werner 7. Subs: Adams 6, Forsberg 6, Haidara 6.