Khelo India NTPC North East Zone Open Archery Tournament hmasaber chu vawiin ni 27, 2024 (Nilaini) hian Aizawl Republic Veng field-ah khelh tan a ni.

Archery Association of Mizoram (AAM) in a thlen hmarchhak state te inelnaah hian state 5 - A thlengtu Mizoram bakah, Assam, Meghalaya, Nagaland leh Manipur atanga infiammi kalkhawm 50 vel an inel a ni.

Vawiin inelna tanniah Ranking round a tan a ni a, Naktuk ni 28  a tawpni ah Final round an khel dawn a ni.

Khelo East India Archery inelna hi Metre 70 a hla atanga Recurve thal kah leh metre 50 a hla atanga Compound thal kah a inelna a ni.

Khelo India hnuaiah Archery Association of India chuan Zone 5 ah inelna a buatsaih a. North, South, East, West leh North East ah te then niin, Mizoram in hmarchhak bial inelna hmasaber kan thleng a ni.