Barcelona midfielder Arturo Vidal chuan khawvelah Barcelona chu club tha ber an nih thu a sawia, Champions League semi final khel tura an inpet tlin ngei a ring hle.

Zanin zanlaiah Barcelona leh Bayern Munich te chu Champions League quarter final-ah an inhmachhawn dawna, anni pahnih hi Champions League-a champion tawh la dam awm chhun an ni a, a chak zawk zawk hi champion tura rinkai ber an ni bawk.

Barca leh Vidal-a club hlui Bayern te hi Champions League-ah vawi nga ve ve an champion tawha, tunkar khan BBC Sport chuan poll siamin, Bayern chu BBC Sport chhiar tute zinga 48% laiin champion turin an ring bawk.

Vidal chuan, “Mi tam tak chuan kan tha tawk tawh lo angin an sawi thina, mahse khawvela team tha ber kan ni a, mahse a kan ti lang reng thin lo hi kan buaina pakhat a ni.

“Bayern hi an confi hle in a rinawma, mahse Bundesliga-a team pakhat an tum dawn lova, Barca an tum dawn. Lionel Messi kan nei a, khawvela player tha ber ber kan kawl bawka, kan that zia kan tilang ngei duh a ni,” a ti.

Vidal chuan Bayern striker Robert Lewandowski-a chunchang sawi zuiin, “Lewandowski hi player tha chungchuang a ni a, a hlauhawmin goal a khung thei em em. Dan chah a harsa dawna, mahse Messi nena khaikhin rual erawh a ni lova, Messi hi chu planet dang a mi a ni. Lewandowski hi chu khawvela striker tha ber ang chuan a sawi theih a, Luis Suarez nen hian an tha ber a ni,” a ti bawk.