Khawvel pum huapa magazine lian ber pawl Forbes chuan kum danga an tih thin tawh angin khawvela football club hlu ber ber te an tarlanga, a vawi khat nan Barcelona chu pakhatnaah an awm.
Barcelona hi kum nga liamta chhung khan he list-ah hian pahnihnaah char char an awma, tun tumah erawh an hmelma lian Real Madrid zuankanin, a lerah an awm ta vang.
European champion lai Bayern Munich chu pathumaah an awma, anni hi season liamta khan palinaah awmin, hmun khatin hma an sawn.
Kum 16 liamta chhung khan Real Madrid leh Manchester United te chu Forbes list-ah hian pakhatnaah an awm char char a, kum 16 chhung hian Real hia pakhatnaah vawi 11 awmin, United hi vawi 5 an awm ve thung.
A hnuaiah hian Forbes-in football club hlu zual 20 a puan te tarlan a ni a, an hlut dan indawtin dah a ni a, an hlutna zat tarlan tel a ni bawk.
- Barcelona – £3.46bn
- Real Madrid - £3.45bn
- Bayern Munich - £3.07bn
- Manchester United - £3.06bn
- Liverpool – £2.98bn
- Manchester City – £2.91bn
- Chelsea – £2.33bn
- Arsenal – £2.04bn
- PSG – £1.82bn
- Tottenham - £1.67bn
- Juventus – £1.42bn
- Borussia Dortmund – £1.38bn
- Atletico Madrid – £728m
- Inter Milan – £541m
- Everton – £479m
- AC Milan – £407m
- AS Roma – £399m
- West Ham – £370m
- Leicester City – £331m
- Ajax - £300m