FIH Women’s Rising Star of the Year 2019 atan Mizo nula ngei, Lalremsiami chu hnehsawh taka thlan tlin a ni. Vote tla atanga 40% huiin a mah hnaih ber tu Argentine,Julieta Jankunas chuan 21.5% a hmu pha tawk a, Lalremsiami’n khawvel pum huap lawmman a la thei hi a chhuanawm takzet a ni.

Lalremsiami hi khawvel pum huap lawmman a lak mai bakah, Indian hmeichhe hockey player, he lawmman dawng thei awmchhun hi a ni a, Lalremsiami hma chiah hian India mipa hockey player Vivek Sagar Prasad chuan FIH Rising Star of the Year lawmman hi a dawng bawka, ani hi Indian mipa he lawmman dawng thei hmasa ber a ni bawk.

Lalremsiami hma hian tuna India hmeichhe hockey team captain Rani Rampal chu he lawmman dawng thei tur hian nominate a lo ni tawha, Lalremsiami tih lohah chuan Indian hmeichhe player zingah Rani chiah hi he lawmman dawng thei tura nomination hmu a awma, Rani hian kum 2010, 2013 leh 2014 khan nomination a lo hmu tawha, mahse a la lo vek.

Lalremsiami chuan FIH Women’s Rising Star of the Year lawmman a lak chungchang sawiin, “He lawmman hi ka dawn ka ring lova mahse ka dawn avang hian tunah chuan ka lawm hle. Kum 2019-a ka khelh danah ka lung a awia, Olympics khel turin kan tling bawka, he ka lawmman dawn hi ka team tan ka hlan a ni,” a ti.

FIH award hi International Hockey Federation-in kum tina lawmman an sem a ni a, hockey huam chhunga hmeichhia leh mipa player tha bera ngaih te hnenah lawmman sem thin a ni. He award hi kum 1998 atanga kalpui tan kha niin, kum 1998 atang hian kum tina sem chhuah a la ni.

Vote tlak dan:

1st place: Lalremsiami (IND)

47.7% of all National Association votes

28.4% of all Media votes

36.4% of all Fans / Players votes

40% of all combined votes

2nd place: Julieta Jankunas (ARG)

12.3% of the National Associations votes

23% of the Media votes

38.4% of the Fans / Players votes

21.5% of all combined votes

3rd place: Frederique Matla (NED)

21.5% of the National Associations votes

20.3% of the Media votes

15.7% of the Fans / Players votes

19.8% of all combined votes