22 Apr 2015 06:34

Inkhel

Mizo Sports Website hmasa ber

​Khatla TBL leh Zarkawt BCA final dawn

Mizoram Super League khelh chhoh mekah a hmawr bawk tur a hriat tawh a, Khatla TBL leh Zarkawt BCA-ten final an khel dawn.

An hnuailama awmte dinhmun tur a la chiang lova, position inchuhna awm mekah 3,4 leh 5-na tur an la chiang lo.

Ningani zan dar 8:00 hian Tuikual South chuan Zarkawt BCA an hmachhawn dawn a, final khel tur Khatla TBL pawhin Zirtawpni tlai dar 4:00 ah Zarkawt Serpents an hmachhawn bawk ang.

Team paruk (6) ten vawi 9 theuh an khel tawh a, hmahruaitu Khatla TBL chuan point 18 hmuin an khingpuite an la hneh fai vek. Pahnihna Zarkawt BCA chuan point 16 hmuin home & away-ah Khatla TBL an hneh lo ve ve a, a bak zawngah khingpuite an hneh vek bawk a ni.

Kar kaltaa MSL inkhel hnuhnungah Zarkawt Serpents-in Tuikual South an hneh a, an inkhelh hma hian Zarkawt BCA-in Mission Veng Vikings an hneh avangin final khel turin an inhlangkai hman a, hei hian an result-ah nghawng a nei nghal niin a lang. Tam tak tana team tha zawka ngaih Tuikual South an chak zo ta lova, MSL-a a vawi thum nan Serpents-in hnehna an chang.