March ni 4, Nilaini zan Mizoram Super League (MSL) Season 6 Hawla Indoor Stadium, Republic Vengthlangah vawihnih Champion tawh Khatla TBL leh champion lai Zarkawt BCA inhmachhawnin BCA chuan 90-85 a hnehna changin hmahruaitu an nih chhunzawm zel.
Zarkawt BCA hian match thum khel tawhin hneh loh anla tawng lo a, point 6 neiin hmahruitu an ni mek. Khatla TBL hian match thum bawk khel tawhin Zarkawt BCA chiah an hneh lo a, point 4 neiin table-ah pahnihna an ni mek bawk. Zarkawt BCA hian March ni 7, Inrinni zan dar 6:30-ah kai thar Chawnpui BCA an hmachhawn ang a, March ni 10, Thawhlehni zan dar 6:30-ah Khatla TBL hian Tuikual South an hmachhawn ang.
Khatla TBL tan state pawn player Xavier Dupree (22pts, 13reb, 1ast, 1blk, 2stl) chuan bul tanin double double a nei a, thawhhlawk hle mahse, hnehna a chanpui zo lo. Moses Zorema, (12pts, 4reb, 2ast) Lalhmachhuana, (11pts, 9reb, 9ast) leh Lalliansanga, 11pts, 3reb, 1ast, 2stl) te thawh hlawk hle mahse bul an tan that loh bakah quarter hnuhnung berah an thawh hona that tawk loh an tuar ta a ni.
Zarkawt BCA tan Malik Price Price (43pts, 10reb, 1ast, 1blk, 2stl) chuan double double a nei a, inkhel bul tanin a thawh hlawk hle a, an chakna hnar pakhat a ni. Zonunsanga, (20pts, 4ast, 11reb, 1stl) chuan double double nei ve bawkin a thawh hlawk hle. Hnehna an channa atan hian Lalrina Renthlei, (11pts, 9reb, 6ast, 3stl) sawi hmaih theih a ni lo bawk.
Inkhel tan atangin BCA chuan inkhel an thunun zawk a, bul tan tha zawkin 21-19 in hma an hruai a, quarter hnihnaah TBL chuan hnehna chan ngei tumin annawr na hle a, chawlhlawk anih meuh chuan TBL chuan 21-22 (point 1) in an umohak lo.
Quarter thumna khelh tan a ni a, TBL insiam thain hmahruaitu zawkah tangin 22-17 in hma an hruai hman. Hnehna chang zawk tura rinkai zawk an nih laiin quarter hnuhnung berah TBL an che sual zauh zauh. Trunover an nei zeuh zeuh a, free-throw an lut hlei thei lo. BCA lam an game a fuh tual tual bawk si. Hun atawp meuh chuan BCA chuan 19-17 in hnehna an chang zui ta a ni.
(adsbygoogle = window.adsbygoogle || []).push({});