Mizoram Super League (MSL) Season 2 chu nithum chawlh lai lawk a nih hnuah Hawla Indoor Stadium Republic Vengthlangah march ni 15,Thawhleh zan dar 8:00 PM khan khelh chhunzawm leh a ni a, inkhel vawi khat awmin, Khatla TBL chuan Zarkawt BCA hnehin, semifinal an khel dawn ta a ni. Tun season-ah club tin te hian vawi li theuh khel tawhin, vawi khat khelh hmabak anla nei theuh bawk. March ni 17,Ningani zan dar 8:00 PM-ah Chaltlang Ryders leh Mission Veng Vikings ten an khel leh ang.
MSL 1 champion Khatla TBL hian vawi li khel tawhin, vawikhat chak loh an nei a, vawi khat khelh hmabak la neiin, march ni 18, Zirtawp zan dar 8:00 PM-ah Tuikual South nen an in hmachhawn leh ang. Zarkawt BCA hian khelh tawhah vawi hnih chak tawhin, vawi hnih an chak lo tawh bawk. Vawi khat khelh hmabak la neiin, march ni 18, Zirtawp tlai dar 4:00 PM-ah Zarkawt Serpents an hma chhawn leh hunah, hnehna an chan chuan semifinal khelh ve theih dan ala awm thei mai thei.
TBL hian inkhel bul an tan tha coach cum player Mapuia'n inkhel bul tanin, point 5 lai score a nei a, an game a hmuhnawm a, team chemistry nei tha an nih zia min hmuh tir, forward Vanlalmuana hian point 7 score-in, Lalrinpuia hian point 6 score nei ve bawkin first quarter-ah 22-16 in TBL hian hma an hruai nghal. Second quarter-ah pawh TBL hian hma hruai chhunzawm zelin, Mapui bawk a langsar 3 points vawi hnih lai a nei bawk. Gospel-a a khel tha hle, point 5 score in rebound vawi li lai ala bawk. BCA tan point guard Remsanga thawh hlawk hle mahse, Michael-a a hunah rah achhuah thei lo. Second quarter a zawh meuh chuan TBL hian 45-24 laiin, hma an hruai hman.
Third quarter-ah TBL tan Vishest Bhriguvanshi a tangkai hle. Point 7 score-in rebound vawi hnih a la bawk. Shooting guard Vanlalnunsanga hian point 6 score-in 3 points vawihnih lai nei bawk. BCA tan Michael-a thawh hlawk viau mahse, Albert-a leh Henry-a ten an thlawp tha lo, team in a mamawh laiin, an che thei lo leh tlat bawk. quarter thumna a zawh meuh chuan TBL hian 62-44 in hma an hruai der tawh. Fourt quarter-ah TBL tan Vanlalnunsanga langsar lehin, point 12 zet score-in assist vawi khat a nei bawk. BCA tan Mathew-a leh Henry-a te rawn thawh hlawk viau mahse, bul an tan that loh an tuar, hun a tawp meuh chuan 78-56 laiin, TBL hian hnehna an chang ta a ni.
Inkhel pumpui thlirin, TBL hi team puitling leh chemistry nei tha an nih a lang a, Defensive rebound-ah Mathew-a an dang hneh hle a, time out an hmang tha bawk a, an rawn lut leh game-ah danglamna a lang zel kan ti thei awm e. Coach cum player Mapuia a tangkai a, an thawh hona atha bawk a, an chakna bul ber pawh a ni.
BCA hian Mathew an tangkai pui a, rebound leh block hnem viau mahse, team work a pawimawh tlukin, team chemistry an chak loh pui, an talbuai a, timeout leh substitute an lak in awmzia a nei thei lo a, basket-ah an vanduai tel a ni.
March 17, Ningani Fixtures:-
08:00 PM Chaltlang Ryders Vs Mission Veng Vikings