Kevin De Bruyne-a'n Bayern Munich zawm a remti

13th January 2016, 06:01PM

Chelsea midfielder hlui, Wolfsurg atanga Manchester City zawm ta Kevin De Bruyne chuan Bayern Munich zawm turin thutlukna a siam hman a, mahse Bayern lam hian a man an chhiarna a an lei ngamloh avangin City lam a pan ta a ni.

Sum ngah em em Man City hian £55 million laiin Wolfsburg atangin Belgium midfielder hi an la lut a, tun dinhmunah chuan an tisual lo hle niin a lang.

De Bruyne-a representative Patrick De Koster chuan De Bruyne-a Bayern Munich player a nih hman tep thu hi sawiin, "Bayern lam khan Wolfsburg-in De Bruyne-a man an chhiarna khan lei ngam se chuan De Bruyne hi Bayern player a ni mek ang.

"Engkim, mimal inremna thlengin tihfel vek a ni tawh a, mahse tum hnih hian Bayern te nen a meeting neih hnuah Bayern hian De Bruyne-a man kha a sang an tih em avangin an lei ngam ta lo a ni" tiin a sawi.

Copyright © inkhel.com 2024. All rights reserved.