​Kell Brook-a'n Alvarez hmachhawn duh

20th September 2016, 05:09AM

Golovkin(GGG) hneh lotu Kell Brook chuan tun chawlhni liam taa Liam Smith hnehtu saul 'Canelo' Alvarez hmachhawn a duh thu a sawi. Brook hi welterweight champion a ni a, a weight-ah hian hneh loh a tawng loh avangin tun thla ni 10 khan middleweight lalpa GGG a hmachhawn a, a hneh lo a ni.

Golovkin a hneh loh tum hian Brook hi a mit a chhia a, enkawl mek a ni. Brook chuan, "ka ngaihdan chuan 154lbs hi chu ka tan a sang hretin ka hria. Training leh vat ka mamawh, 147lbs champion ka ni a, hrisel leh tha taka 147lbs fight leh thei turin ka in buatsaih a ngai a ni" tiin a sawi.

"Canelo hi hmachhawn ka duh a. Hetiang ang inbeihna liantham a tel hi ka duh, Golovkin ka beih khan hetiang boruak hi ka tem tawh a, boruak pui tak hian fighter-te hi min tiphut hle a ni"

"Surgeon-te ka hmu a ka hliamte uluk takin an en dik a. Ka mitah hian titanium plate phum tura tih ka ni mahse kawng dang kan ngaihtuah ve mek bawk. An hmanhmawh lo a mahse tun zirtawpni hi chuan a fel hman ka ring"

"An sawi dan chuan thla ruk atanga thla riat ka chawlh a ngai dawn a, hemi hun chhung zawng hian ka inhnek thei dawn lo tihna a ni. An thu hi ka ngaipawimawh anga muangchangin, hmanhmawh lovin ka nghak ang" tiin Brook hian a hliam chungchang a sawi bawk.

Alvarez hian chawlhni liamta khan WBO title la turin Liam Smith chu round 9-naah a knockout a. Kell Brook hian hnek a duhthu sawi mahse, Alvarez erawh hian Smith a knockout zawh hnu lawk hian Golovkin a cho thu leh a chona vawi li lai an hnawl tawh thu a sawi tel bawk a. He ti a nih chuan Brook nen pawh hian an inhnek hmel hle a ni.

Copyright © inkhel.com 2024. All rights reserved.