BNP Paribas Open khelh mekah world No. 2 Caroline Wozniacki chuan ngam loh a tawng a, Daria Kasatkina a hneh lo a, Indian Wells-ah a kawng a tawp ta a ni.

Indian Wells Masters fourth round inkhelah Kasatkina chu a tir atangin a che tha zawk a. 2018 chhunga a vawi hnihna atan Daria hian Caroline hi a hneh leh a, Russian nula hi 6-4 7-5 in a chak a, quarter-finals a lut a ni.

Kum 20-a upa Kasatkina hian a khel tha em em mai a, darkar khat leh minute 40 chhungin 2011 champion leh Indian Wells inelnaa vawi hnih ngawt pahnihna lo ni tawh bawk chu a hneh.

Australian Open champion Wozniacki hian hma a hruai thin a, mahse a inpawhthlaktir leh zel a. Denmark nula hian theihtawp chhuah thin mahse a chak zo ta ngang lo a ni.