Liverpool chuan tunah hian Premier League hma an hruai mek a, point liin pahnihnaa awm leh champion lai ni bawk Manchester City aiin an sang zawka, Premier League season kal mekah vawikhat bak an la tlawm lo.

Liverpool hi an khelh mek dan en chuan champion thei mai tur an an laiin, mi tam chuan chuan an tawlhthluka, an sukuk an la ring fova an champion beisei lo tu an tam hle bawk. Mahse Liverpool player Sadio Mane erawhin an sukuk a ring ve lova, an champion ngei a rin thu a sawi.

Senegalese player chuan, “Kan team hi kan tawlhthlu dawn lo, English champions hi kan ni dawn tih hi ka chiang a ni. Zingah ka tho va, kan champion beisei lo hian training ka zawm ngai lo. Premier League-a team tha ber kan ni tih hi lantir kan tum ruh hle.

“Mi tam takin kan tawlhthluk a kan sukuk an ringa, kan tan thil hriat nuam a ni lo. Mahse chung zawng zawng chu kan hai der a ngai a, kan hmaa thil awmah hian ka rilru kan pek a ngai. Liverpool hian kum rei vak lo kalta khan champion na chance tha tak an nei a mahse an hlawhtling lo. Mahse kha thil khan tunah hian min pui hle in ka hre zawk. Kan sukuk dawn lova, kan champion dawn a ni,” a ti.

Liverpool hian kum 2013-14 season khan Premier League title an la teuh hle a, Brendan Rodgers-a hnuaiah pahnihna niin City chu point hnihin an pha lo. Liverpool hian tun season-ah beiseina an nei sang hle a, kum 29 hnuah English top flight league-a champion-na hun an neih that ber a tih theih a, beisei an phak dawn leh dawn loh chu football khawvelin a ngaichang mek a ni.