Heavyweight boxer hlui Evander Holyfield chuan tunlai heavyweight boxer tha ber anga mi tam takin an ngaih Tyson Fury chu an hunlaiah pawh a tha pawl a nih a rin thu a sawi.

Holyfield chuan, “Tyson Fury hi insual ngaina chhungkua atanga rawn chawr chhuak a ni a, a thlahtu te hi insual mi an ni a, insual hi an thil nuam tih a ni.

“Mi harsa tak tak, keini ang te pawh khan insual lam hi kan chem kalna a ni duh hle a, Tyson Fury hi chu thlahtu fighter chhungkua atanga rawn chhuak a ni.

“Kan hunlai khan awm ta se, a tha zinga mi a nih ka ringa, a tul hunah a insiamrem thei tih pawh a lan tir tawh. Mahse kan hunlai kha chuan awm ta se, fighter tha zawk a hmachhawn ngei dawna, a chhel lehzual viau a ngai dawna, a chhan chu kan hunlai kha chuan kan chhel tlang hle.

“Kum 1990 atanga kum 2000 chhung khan champion paruk emaw pasarih emaw lai kan nei a, khami hun chhung khan kei ngei pawh vawi li ka champion a, fighter tha an tam em em a, a chhan ni bera lang chu amateur fight tha tak tak a awm thin vang kha niin ka hria,” a ti.