Ka pheikhawk in Neymar ka hlap ang - Bacca-a Nu

22nd June 2015, 07:06PM

Carlos Bacca-a nu Eloisa chuan nilaini liamta Estadio Monumental muala Colombia leh Brazil te inkara buaina thleng chungchang sawiin mual chhungah awm ve ni ta se a pheikhawk sang a Neymar a chhut ve mai duh tur thu a sawi.

EloĆ­sa Ahumada (Bacca-a Nu) chuan El Heraldo hrilhin kha inkhel ka lo enna hmun atang khan ka insum zo bik lova, awmhmunah ka lo thinrim ve tung a ni tiin a sawi. Inkhelh tawpah khan Bacca leh Neymar ten hnawhchhuah an tawk ve ve a nih kha.

Si khat faiin Colombia an chaka, nikum World Cup quarterfinal ah kan hriat theuh tawh angin Brazil hian Colombia an lo tlawm ve tawha, Colombia phuba lakna tiin a sawi theih awm e.

An buaina avang khan Neymar leh Bacca te chuan hrem an tawk ve ve a, Neymar chu match li lai hrem a nih tak avangin Copa America ah a inlan thei dawn tawh lo a ni.

Eliosa chuan ka thin a rim ve em em a, kha buaina avang khan ka fapa khan hliam na tak a tawk ang tih ka lo hlau a ni. Mual chhungah khan awm ve ngat ila chu ka pheikhawk sang hi ka phelh anga, Neymar hlap nan ka hmang ang tia sawiin, a fapa chet lak dan chu tha a tih bik loh thu a sawi ve bawk.

Sevilla striker Bacca hian season hmasa khan league goal 20 lai a khunga, Milan leh Arsenal ten an beisei ve meka sawi a ni bawk. Kawr thler huang chungin mual a chhuahsana, ani pawh match hnih chhung hrem a ni.

Copyright © inkhel.com 2024. All rights reserved.