Ka nu thu zawmin Everton ka pan- Lukaku

14th January 2016, 05:01PM

Mourinho player duh loh tha em em si zingah Luakaku hming hi thailan ve ziah a ngai tawh ngei ang. Tun season-a che tha em em mai Belgian striker hian Chelsea a kum thum a awm chhung khan Premiere League-ah game khat chiah a start a, West Brom leh Everton Loan-a a zawm hnuin July 2014 khan Everton Boss Roberto Martinez chuan Everton player manto ber ni turin £28 million laiin a lalut a nih kha.

Anderlecht striker hlui New Drogba an tih thin hian Martinez-a rinna chhangletin tun season khelh mekah goal 15 thun tawhin Leicester striker Jamie Vardy nen goal thun hnem ber an ni mek a ni.

Nimahsela Lukaku hian Everon a zawm lo teuh hle, four four two magazine-in an kawm naah," Martinez khan vawi thum lai min rawn call a, a tir vawi hnih phei chu ka chhang lo nghe nghe. Ka chhang kha ka lawm takzet ani. Amah nen kanin biak hnuin Chelsea ka be leh a ka nu ka rawn chuan,"Everton hi pan rawh" tiin min chhang a ka inchhir lo hle a ni" tiin Everton-a a luh dan chanchin a sawi.

Kum 22- a upa Lukaka hian thuthlukna a siam sual lo hle reng a, kum 23 tlin hmaa Premiere League goal 50 thun tling thei striker tlem te zingah a hming a chuangkai ve reng tawh dawn a ni. A hmaa player hetiang lo ti thei te hi an nep lo hle- Cristiano Ronaldo, Wayne Rooney, Robbie Fowler and Michael Owen te an ni nawk hlawm mai.

Copyright © inkhel.com 2024. All rights reserved.