16 Nov 2015 08:07

Inkhel

Mizo Sports Website hmasa ber

​Ka lo kir leh ang - Ronda Rousey

UFC 193-ah Ronda Rousey chuan Holly Holm lakah a title a hloh. Second round 59 sec-ah Holm-in a Knock Out a nih kha, a inhliam avangin damdawi in lamah hruai a ni a, a hmui thui a ni nghe nghe.

Darkar 24 ral hmain Ronda Rousey chuan instagram lamah a thu leh hla a rawn nei ve ta a, "Min hmangaiha, min tantute zawng zawng chungah lawmthu ka sawi duh a, Ka hriselna ka ngaipawimawh hmasa a, mahse ka tha lutuk e. A hmaa ka lo sawi lawk tawh angin chawlh det ka tum a, ka lo kir leh ang," tiin.

Mark Wahlberg nena an film chan "Mile 22" an zawh hnu July 2016 velah Ronda hi a lo kir leh a rinawm a, UFC 200 velah a hmel kan hmuh leh chauh a rinawm. Pathianni zing khan UFC president Dana White chuan rematch a awm tur thu a sawi zauh a nih kha, Las Vegas lamah Ronda leh Holm hi an inhmachhawn a rinawm.