21 Mar 2016 08:08

inkhel

Ka la dam hi ka vannei hle- Alonso.

Spanish F1 Driver Fernando Alonso chuan Australian Grand Prix tlan zawh taka a accident hnu a ala dam chu a vanneih tak zet thu a sawi.

Alonso hi lap 17-naah Esteban Gutierrez tlan pelh a tumna lamah a chesual a, a car a chhe hneh hle. Albert Park-a mipuite'n beiseina nei chau hle mahse dam taka Alonso a chhuah theih avangin an lawm hle.

Alonso leh Gutierrez an chesual.

Alonso chuan he thil thleng chungchang hi sawiin, "Ka tha tawh e. Chetsualna lian tak a ni a, ka taksa siamrem leh ka tum mek a ni. Break a ngaih hma kha chuan slipstream lama kal ka tum hram hram a, thil thleng fuh tawk lo in man khawm vel avangin ka chesual ta a ni. Kan pahnih a kan him avangin kan vannei tak zet a ni." tiin a sawi.

Alonso a car atanga a chhuak lai.

Alonso hian an chetsual chhanah mawhphur tur an awm loh thu sawiin, " Intlansiakna a chetsualna thleng palh a ni. Intlanpelh kan tum ve ve a, a chang hi chuan darkar khata Km 300 a tlan kan ni tih hi kan theihngilh leh thin a ni." tiin thil thleng palh ve mai a nih thu a sawi.

Alonso car a chhe hneh hle.

Australian Grand Prix-ah hian Mercedes driver pahnih Nico Rosberg leh Hamilton chu pakhatna leh pahnihnaah an thleng a, Ferrari driver Sebastian Vettel chu pathumnaah a thleng bawk.