Maria Sharapova chuan inkhelh laia a au nasat theih em avangin a hrawk chu hun eng emaw chen a na zui thin niin a sawi.

Russian tennis star Maria Sharapova chuan a naupan lai atang tawhin ring deuh deuha au hi a ching tawh tih thu a sawi a, a puitlin tawh hnuah pawh a thil chin hi a la bansan thei ta lo a ni.

Kum 32-a upa Sharapova hi kum 16 mi lek a nih lai khan khawvel hmuh theih turin a inpho chhuak tan a, kum 17 mi chauh niin Wimbledon title a la a, mi hriat a hlawh chho tan a ni.

Sharapova chuan, “Inkhelh laia ka au nasat theih em avang hian ka hrawk hi a na vek zel a, ka inkhelh loh lai pawhin a na hi a la awm zui phah thin,” a ti.

“Hetianga inkhelh laia te vak vak hi ka naupan lai atanga ka chin tawh a ni a, ngaiah ka nei tawh a ni ber a, tunah chuan ka ti lo thiam tawh lo reng reng,” a ti bawk.

A sawi zelnaah, “Ka inkhelh tawh loh hnuah pawh ka hrawk hi chu a la na zui zel a, tih vak ngaihna pawh a awm chuang lo,” a ti.

Kumin August thlaa US Open a Serena Williams a hneh loh hnuah khan a inkhel zui leh tawh rih lo a, chithlum lampang company a din ‘Sugarpova’ lamah a rilru a pe nasa deuh tawh thung a ni.