Antoine Griezmann leh France te chuan result nei chhe em em lo mahse mite beisei an la pha meuh lo.

Paul Pogba chuan a thianpa Antoine Griezmann chu a chhan a, form tha pangngai takah a awm thu a sawi.

(adsbygoogle = window.adsbygoogle || []).push({});

Didier Deschamps-a naute hian World Cup-ah an theihna zawng zawng an la lantir lo a, chutih rualin last 16 spot erawh an book fel tawh.

Griezmann chuan goal khat a thun tawh a, amaherawhchu hei hi penalty spot atanga a thun a ni.

Pogba chuan Griezmann sawiselna awm thei zawng zawng chu a hnial nghal a, a thianpa a chhan.

"Grizou hian tha takin a khel mek a ni. A hlim reng a, a fit reng bawk. Team tan a theih tawp a chhuah a ni," tiin Pogba chuan a sawi.

"Mi thenkhat chuan kan match hnihnaa goal a khung loh avang khan ngai a awh tawh lo ni ten an sawi. Thenkhat erawh chuan club tan contract thar a sign vang ni te pawhin an sawi. Mahse a ni lo a ni.

"World Cup hmaa ka lo sawi tawh ang khan, Ka Grizou hi tuman sawi chhe suh u. Euro te pawh kha in theihngilh a ni.

"World Cup hi a la zo lo a, match khelh tur a la awm. Round of 16 kan thleng a, chu chu hre reng zawk rawh u.

"Peru kan hmachhawn tum khan in hmu ang. Kan nghet tha hle a nih kha. Grizou hian quality tha tak a nei a ni, mi zawng zawngin chu chu an hria. Tichuan, ka sawi leh ang - ka Grizou hi tuman sawi chhe suh u," tiin a sawi leh.

France hi Group C-ah hmahruaitu an ni mek a, tling chiang tawh nimahse pakhatna an la ni chiang lo thung. Thawhlehniah Denmark an hmachhawn dawn a ni.