Ka chau ve ngailo - Graeme Souness

10th June 2015, 07:06PM

"Manager thenkhat chuan ka player-te an chau an ti thin. Kei chuan hei hi ka pawm ve lo. Striker te hi chuan chawlhte chu an mamawh ve thin a niang, mahse kei chu ka ni lo, ka inkhelh hunlai khan nitin inkhel mah ila ka hah lovang.

"Match hnih a zawna kan chak loh hi chuan rilruah hnualna a awm a, chu erawh a buaithlak ve deuh. Chuti ni lovah chuan kan chak chhoh phei hi chuan inkhelh reng kan duh thin." - Graeme Souness

Rangers, Liverpool, Galatasaray, Southampton, Torino, Benfica, Blackburn leh Newcastle manager lo ni tawh Kum 62 mi Graeme James Souness hian Football a khelh lai chuan midfield-ah a khel thin a, Rangers leh Sampdoria-ah khel tawhin, a hming chherna ber chu Middlesbrough leh Liverpool club te an ni.

Boro-ah 1972 atanga 78 thleng khelin, game 176 atangin goal 22 a khung thei. 1978 atanga 1984 khan Liverpool tan khelin, game 247 atangin goal 38 a khung a. Liverpool chu League title vawi 5 lai a lakpui a, European Cup pawh vawi 3 lai a lakpui bawk. Liverpool tan League Cup vawi 4 lai a chawi bawk a ni. Italy panin Sampdoria tan a khel a, Coppa Italia a chawi bawk.

"Football-a thlak ka chak deuh hi chu 11 leh 11-a khelh ai chuan 10 leh 10-a khelh hi a that ka ring zawk. Tun ai hian player ten hmun thawl an nei anga, inkhel hmuhnawm tak tak kan en theih phah ka ring. 11 leh 11-a khelh hi chuan a tawt deuh lam chu a ni," tiin a sawi bawk.

Copyright © inkhel.com 2024. All rights reserved.