Kia Joorabchian chuan Italian champion Juventus-in Chelsea midfielder Oscar an lalut dawn lo tih a sawi.

Joorabchian hi Oscar-a advisor a ni a, Juve hian Brazilian midfielder hi lakluh duh viau mahse an hlawhtling hmel lo.

Kum 23 mi Oscar chungchang hi sawiin Joorabchian chuan, "Thil theihloh tawp a ni a, Chelsea a chhuahsan lovang." tiin Ningani khan a sawi.

London club hian kum 2012 nipui lai khan Oscar hi Internacional atangin an lei a, amanah £25m sengin an player pawimawh berte zingah a tel pha deuh reng bawk.

Brazil national team tan pawh player pawimawh ni phak a ni a, a dam chian loh avangin Copa America khelh mekah erawh a tel lo.