French midfielder Blaise Matuidi leh Juventus te chuan inremna neiin, an inthathen fel ta a, Matuidi hi Turin khawpui atangin a inpu chhuak dawn.

Matuidi hian David Beckham-a club Inter Miami chu a pan ngei dawnin a langa, Paris khawpuia MLS club Miami zawm turin medical pawh a neih fel tawh thu chanchinbu mite chuan an tarlang.

Kum 33 mi Matuidi hian kum 2021 thleng Juventus-ah hian contract la nei mahse, club nen inremna neiin, a contract zawh hma in Juve chuan an chhuah zalena, a thlawnin Miami zawm tura ngaih a ni.

Paris Saint-Germain atangin Matuidi hian Juventus hi a zawma, Juve tan season thum a khelh hnuah a chhuak ta a, Juventus-a a awm chhung hian kum tin Serie A title an la.

Matuidi hian kum 3 chhungin Juve tan game 133 a khel hmana, Serie A title bakah Juve hi Coppa Italia leh Supercoppa Italiana-te a chawipui hman bawk.

Matuidi hi Juventus player pawimawh a ni chho ngar ngara, Juve a zawm atanga chhutin, Paulo Dybala chiah ani aia Juve tana inlan hnem a awm. Tun season-ah pawh khan game 45 a khel.

Inter Miami hi tun season-ah an che tha lova, game ruk khel tawhin an la tlawm veka, Matuidi hi an lalut thei a nih chuan a tangkai viauin a rinawm a ni.