26 Mar 2015 06:37

Inkhel

Mizo Sports Website hmasa ber

​Juventus-in Pogba chelh thei dawn ta lo ?

Kum 5 dang khel leh turin Juventus-ah Paul Pogba chuan contrat a ziahna la reilo hle mahse Chelsea leh Manchester United ten sum tam taka vawm an tum avangin Juve Director General chuan Pogba chu an chelh theih loh mai a rin thu a sawi chhuak.

October thla mai khan French International hian Juventus tan kum 5 dang contract a ziak thar kha a ni a. January transfer window khan a club hlui Manchester United nen sawi zawm a ni leh. Nipui bazar a rawn inhawn hunah PSG, Chelsea leh Man Utd te chuan na zawkin lei tumin an thlem leh dawn.

Juventus director general Giuseppe Marotta chuan £44 lai pawh heng club liante hian an huam thu a sawi zauh pahin Pogba chelhbeh chu thil harsa tak a nih tur thu a sawi a, Moratta chuan,"Pogba chuan a duhna lam a thlang thei alawm. A thu a ni e. Chhuah a duh a nih chuan keini tan chuan chelh chu thil harsa tak a ni dawn a ni.

"Tun dinhmunah chuan chhuah lam a ngaihsak lo. Mahse thil pakhat harsatna kan tawh tur chu, contract thar kan zawrh leh emaw hlawh thar kan sawipui leh hunah emaw club dang ten hlawh an pek huam zatte kan hre tlangvek tawh dawn si a, tuna a hlawh let hnih emaw thum emaw laia kan san a ngai dawn a ni," tiin a sawi.