Liverpool midfielder Emre Can chu Juventus nen an inbia a, Italy lamah kum 4 cham turin inremna an siam niin Sky chuan an tarlang.

Germany international hian Anfield-ah tun thla tawp hian a contract a hmang zo tawh dawn a, January thla atang khan club dang be thei turin zalenna a nei tawh a ni.

Juventus chief executive Giuseppe Marotta chuan thla hmasa khan UEFA Champions League an khelh zawh hunah Emre Can an lakluh thu puan a inbeisei thu a lo sawi lawk a ni.

Champions League final-ah Can hi substitute bench atangin a lut a, Jurgen Klopp hnuaia a khelh hnuhnun ber tur a nih hmel ta hle.

Kum 24-a upa Can hi a hnung na avangin season tawp lamah a tum angin a che hleithei lo a, Germany World Cup squad-ah pawh a tel lo a. 2014 khan Bayer Leverkusen atangin Liverpool chuan an lalut a, vawi 167 khel hmanin goal 14 a thun hman a ni.